徐淑敏（Suki）昨日以「山吹綠子」的造型到青衣城為「ＩＱ博士21世紀天神村」揭幕，大談環保心得及即製壽司予身旁的「則卷千平」享用，Suki笑指希望日後的丈夫像「則卷千平」般專一及疼愛自己。
平日甚愛Shopping的Suki表示，雖然家中有不少環保購物袋，但自己卻大頭蝦：「我成日唔記得帶購物袋，所以會將買咗嘅嘢放晒入手袋，啲朋友成日都笑我個手袋重過個保齡球。」
說到早前屢次被拍得夜蒲，Suki解釋：「係啲舊同學生日，加上好耐冇見，所以先應承去。（唔只一次？）咁有幾個朋友生日嘛。（被高層詐型？）我又唔係之後會再夜蒲，都係正常社交活動啫。」
Suki指早前因拍飲食節目而肥了七磅，不過近日已極速收身，在四日減掉多了的七磅：「我推淋巴減嘅，真係好work，不過就搞到成身瘀晒。」