日前有報道指鄭中基有意「踢走」雷頌德，皆因嫌雷頌德人工高，而且寫歌畀「外面人」質素好過寫畀自己公司歌手，側田前晚為《勁歌金曲》擔任嘉賓時，他對此否認：「有咁嘅事咩！（話雷頌德有十萬蚊個月？）好多，點會唔值，Mark雷喎，好多人話我寫歌畀人哋好過寫畀自己，呢啲好主觀，Mark寫首首歌都好聽，所以全部都係謠言嚟。」
此外，側田認為近期公司有不少是非，他謂：「唔知係咪有內幕。（有內鬼放料？）如果真係有，會有報應，謠言全部係假，個個都好和諧，鄭中基同Mark好好朋友，點會踢走。」
另外，側田日前撇下女友，獨自到銅鑼灣GOD購物，並於床上用品部睇床單，最後更買下一套黑色雙人床單，期間他見有記者拍照感愕然，並匆匆登上七人車離去。