人氣直逼靚模一姐Angelababy的周秀娜，早前專程到塞班島為首本寫真集《Kissy Chrissie》取景，以陽光海灘兼噴血性感三點式作招徠！其公司更對Chrissie愛錫有加，在出發前一個月，斥資六位數字向當地申請一架潛艇，務求令Chrissie的處女作更完美，令她大感意外，她說：「冇諗過公司會包架潛艇畀我影相，真係好感動！」而這次寫真集製作費花近七十萬元，相當揼本！

周秀娜搽足防曬膏，不怕變「黑炭」。

周秀娜在潛艇上大晒其驕人身段。

工作人員清場

穿上噴血三點式的Chrissie，在潛艇頂部大擺誘人甫士，其後潛入三百米海底盡影靚人靚景，不過Chrissie最感難忘是在海底換衫，被神仙魚偷，她說：「我喺水底要影兩套比堅尼，其實工作人員已經清晒場，但係見到啲魚喺出面游來游去，有條神仙魚仲愈游愈埋，好似望住我咁，感覺幾得意。」Chrissie又透露在塞班島逗留八日，日日同陽光玩遊戲，她事前已準備20支防曬膏，以免變成「黑炭」。

周秀娜在300米海底影寫真集，令她畢生難忘。

鹹濕魚在潛艇外偷窺？

預訂超額加印

而將於本月廿二日出書的Chrissie，其公司表示原本印製一萬本寫真集，目前因超額預訂正趕緊加印，Chrissie對此說：「好開心，希望快啲到22日。（同期好多對手出書！）我知呀，所以依家都積極做運動同扮靚，希望到時以最好狀態見fans。」

文：專案組