樂基兒（Gaile）昨日出席公開活動時，被問到與黎明（Leon）一起四年可會覺悶？她說：「唔會悶。（係咪仲好似熱戀期？）我哋一齊四年，係我維持得最耐嘅一段關係，啲時間好似過得好快咁。有開心同唔開心，都係我哋一齊經歷嘅旅程。（點keep住火花？）我個人好fun，唔會悶㗎，其實我仲慢慢學緊。」
經常四圍飛的Gaile不會隨身攜帶Leon照片，兩人的銀包亦不會放對方的相，更加不會用視像通話。另外，Gaile又否認母親來港催婚的報道，她指母親去大陸時，順道來港探她，母親沒有催婚。問到若Leon在演唱會向她求婚會有何反應？她甜笑地說：「我諗唔會，佢係做concert唔係做騷。」
