周麗淇（Niki）昨日無懼「鏹水狂徒」再現，到旺角出席義賣活動，吸引過百圍觀者，場面混亂。由於天氣酷熱，焗到Niki汗流浹背，不停用紙巾抹汗，令她叫苦連天：「我濕晒喇！」
Niki昨日以代言人身份出席旺角行人專用區舉行的慈善義賣，甫下車即被市民包圍，幸好大會聘請多位保安為她開路。未知是否怕遭鏹水彈襲擊，只見Niki不時抬頭視察環境。Niki先接受記者訪問，然後到戶外攤位進行支票移交儀式，但天氣酷熱，令Niki不停問助手取紙巾抹汗，更大叫：「我濕晒喇！」
擔心天氣有變
問Niki擔不擔心再發生鏹水彈事件？她說：「冇，頭先見到好多警察，做慈善應該冇事，反而擔心天氣多啲，又熱又驚打風。」對於家姐周汶錡被本報拍得與法籍未婚夫恩愛行街，Niki謂：「佢哋一向都冇嘢。（有傳話你家姐係因為面子先同番男友一齊？）家姐唔係蠢，係一個好女仔，見到佢哋開心應該戥人高興。」
撐家姐唔貪錢
另外，吳嘉龍父親吳耀漢早前以「no money no talk」來形容周汶錡，Niki力撐家姐說：「家姐唔係用錢行先，唔係眼裏只得錢！我冇親耳聽到吳耀漢咁講，所以唔知，佢係前輩我好欣賞同尊重佢。（點為家姐平反？）好難每樣嘢平反，最緊要家人同身邊人知佢係咩人，人生豈能盡如人意，但求無愧於心！（家姐係咪想結婚？）冇聽過，反而我想佢結婚，因為想做佢伴娘。」
文：音樂組