隨着反靚模拋胸的熱潮下，昨日八模兵團為宣傳寫真集，在旺角街頭也未有過分性感表現，並叫大家給予拋胸靚模一些空間。至於寫真集將加印，她們為答謝fans，揚言有意在書展加插與fans肌膚之親的環節，認真識做。
A Lin、「新邦民女」陳嘉寶、「益力多妹」Evelyn、「翻版Angelababy」Annie G、「翻版邱淑貞」Isabel L.、Hailey C.及Crystal Wan組成的八模兵團，昨日到旺角宣傳寫真集，吸引半百fans到場，成員DaDa Lo就因其他工作而缺席。
唔行性感
就現場所見，眾人以粉紅和白色的衣服作主題，但未有過分性感，對於網上有反靚模和支持靚模的聯盟，她們都表示不擔心︰「我哋有睇報道，唔係話（反對）我哋，有人支持好開心，希望愈做愈好，我哋唔介意人哋點講，好與唔好嘅新聞都會睇，有不足會改。我哋工作咗一段時間，要用習慣嘅心態，希望大家畀啲空間佢哋（指靚模）。」對於不屬被反對的靚模，A Lin謂不會用漁人得利的心態去看︰「無諗呢啲，最重要做好本分，我哋都有睇其他人嘅寫真，參考下佢哋都學到嘢。」
飛的走人
她們又透露寫真銷情佳，書展或會與fans們有肌膚之親︰「第一版加印咗三次，依家有過萬銷量，會展會有第二版，係硬皮特別版，我哋知fans想見我哋，所以到時會留耐啲、見耐啲，會加握手位同埋影相位。今日嚟旺角我哋都唔驚有鏹水彈同瘋狂粉絲。」不過為怕混亂，七位模特兒最後也沒有等專車，改為乘坐的士離開。 文：名人組