昨日祖兒應邀出席森美及陳志雲主持在馬鞍山新港城中心舉行的「十人巷」活動，三人手執不同道具演繹不同廣告。三人拿着雨傘、環保袋、人字拖及摺櫈整古做怪，趣怪表情令觀眾捧腹大笑。

祖兒講普通話扮成龍拍洗頭水廣告的對白。	拿着雨傘的祖兒，自稱是「阿姐」。	祖兒、森美與志雲在台上裝模作樣，引得觀眾捧腹大笑。

志雲被嘲戴胸圍

其後森美突然將環保袋笠頭大嗌：「原來好臭。」祖兒見狀亦不甘後人，企入環保袋笑說：「我要變袋鼠。」陳志雲則將環保袋穿在身上，但被森美笑他扮麥當娜戴胸圍，祖兒更即抵死地謂：「不過你係單支咋。」

祖兒繼續發揮其搞笑本色，拿着雨傘自稱是「阿姐」。當陳志雲問她廣告身價時，祖兒老實承認有「友情價」。她謂：「有啲係冇錢收，好似送外賣嗰個，不過冇所謂，係咁意拍完。」說罷驚覺失言即補鑊，她謂：「係咁意都拍得咁好。」然後她又成龍上身，講普通話扮成龍拍洗頭水廣告的對白：「不是要我拍就拍，我要用過，我怕搽完出晒油，一定會罵我。」笑爆全場。

森美將環保袋笠頭，莫非他想扮蒙面超人？

「穿上」環保袋的陳志雲，被嘲似戴胸圍。

想拍輪胎能廣告

原來祖兒十多歲時已拍了首個廣告，故此她自認曾當G模。祖兒又謂，近年接拍的廣告，不約而同都要她大跳勁舞或跳跳紮，故此她說：「好似個身裝咗彈弓！」

身為廣告天后的祖兒，坦言面對群眾拍攝時都會緊張。問她最想拍甚麼廣告？鬼馬的她即扮古天樂的輪胎廣告說：「想拍輪胎能！我會攬實條車胎，用眼神交足戲，應該可以搶佢飯碗。」

文：音樂組