徐熙媛（大S）與古天樂最近再結片緣，二人更有一段長達三分鐘的激咀戲，不過卻浪漫欠奉。大S跟古仔在拍攝時要邊咀邊打，撞到手腳瘀青，而古仔更咀到出鬚根，同大S轉到暈陀陀。
大S、古仔、吳君如及李曼筠等昨日現身奧海城，為新片《大內密探靈靈狗》宣傳。大S與李曼筠不約而同以短裙示人，美腿生輝。已兩度合作的大S及古仔，於片中有段長達三分鐘的激咀戲份，大S透露拍攝時由天黑拍到天光，期間還要邊咀邊打，令她頻頻受傷。
交稅係責任
大S說：「我不是撞到古仔的鼻，就是撞到櫃子，一點也不浪漫。片中我還有打戲，所以差不多每天都會有瘀傷，再加上天氣冷，真的很辛苦。」古仔亦笑言：「轉住拍成晚，我真係頭都暈埋，大S仲話我咀到鬚根都出晒嚟。」大S近日贏得稅項官司，將獲退還稅金，但她指交稅乃每個人應盡的責任。談到稅局欲再向她追稅近千萬台幣，大S指事件還未有定案，故不便談太多。
君如生多件
君如在活動上被導演王晶踢爆加片酬，對此她笑說：「《家有囍事2009》之後係有加過，但合理囉！呢排個市好多人搵，咁價高者得好正常。依家都有成七個劇本睇緊，但因為我想生第二個，所以今年只係會揀兩、三部拍。」
文：影視組