前晚，一眾《Laughing Gor之節》的演員包括黃秋生、吳鎮宇、謝天華、葉翠翠及陳法拉等在九龍灣工業大廈為電影拍攝。其中葉翠翠更罕有地以私伙低胸裙上陣，她表示：「今日少布啲，平日唔係咁，本來着安排咗嘅戲服，不過件衫太可愛，連秋生都話可愛，最好換咗佢。我平日拍嘢都有帶定自己嘅裙做後備，今次咁啱用得到。」

翠翠以三點式上陣拍旅遊特輯。	樂易玲（中）穿起印有MJ字樣的外套，被天華戲言叫她跳MJ舞，法拉在旁大笑。	秋生（左三）與導演邱禮濤（左二）、鎮宇（左）等研究場口。

三點式拍特輯

而翠翠早前與洪天明及陳自瑤等到盤龍峽拍攝旅遊特輯，更大玩激流空中飛人，非常開心，自言身材keep得不俗的翠翠更以三點式上陣，在度假村時又遇上怪男fans，邀合照之餘更拍打車門，令度假村方面要安排六名保安守衞。

或會北京上映

至於天華則表示未知Laughing哥一角會否在《學警》第4輯中翻生，又興奮透露《Laughing》一片有機會在北京上映，問到若票房好的話會否分得多些花紅？天華笑言：「有得分，分享感受咯！」

文：影視組