梁嘉琪早前拿着大袋小袋現身中環，由於她走路時一拐一拐，兼且神情痛苦，所以不時惹來途人注目。及後嘉琪前往中環永安人壽大廈看骨科，前後共逗留了約個半小時。嘉琪等候看診期間表現緊張，病情看似頗為嚴重。

看完醫生後離開的嘉琪，發現有記者時表現十分錯愕，當記者慰問她雙腳的病情時，她才大方地表示是因為拍戲時弄傷舊腳患所致：「其實我膝頭哥不嬲有事，嗰日拍戲又要着住對四吋高踭鞋跑，所以扭親。醫生話我本身腰骨生得有啲歪，所以好容易整親，不過依家已經好咗好多。」

貼特製定型膠布

就記者觀察，嘉琪膝蓋上的傷患頗為嚴重，不但要貼上特製大膠布定型，而右腿看起來亦有點紅腫，嘉琪亦表示擔心雙腳問題會影響工作：「我最驚麻煩到啲工作人員要遷就我，所以我依家好密睇醫生希望快啲好番。（點解睇醫生都拎住咁多嘢？）其實我拎住嗰袋係鞋嚟嘅，因為拍戲時一定要着高踭鞋，但為咗收工之後可以舒服啲，所以我就特登帶多對波鞋嚟替換。」

文、攝：專案組