《獎門人》這個節目不知不覺陪伴大家已超過十年，為延續這個歡樂氣氛，獎門人曾志偉及三位獎老錢嘉樂、阮兆祥及王祖藍將合作出書，志偉更反串古裝，笑言要在書展與眾模的寫真拚過，拋埋獎門人出來做靚模呢！
獎門人曾志偉及三位獎老錢嘉樂、阮兆祥及王祖藍於書展期間，將會與眾靚模火併，推出《獎門通勝》，這本書集合《獎門人》的多年經典，當中包括「爛gag」、「IQ題」、玩盡新郎、新娘的「結婚遊戲」等，書中更附「獎門揮春」及「獎門拖鞋」，果真是一本搞鬼通勝。
賣Tee搶客
這本書七月尾在書展推出，屆時四人都會到場簽名，他們更特製了七款T恤，上面印有問答題，前面問題、後面有答案，更會以優惠價二百元七件出售。說到他們到時可能與同場靚模搶客，他們說：「佢有佢哋趣味，我哋有我哋天地，Angelababy、A.Lin都出，我哋冇理由唔出啫！」阮兆祥又指着以志偉反串古裝扮相的封底謂：「唔好睇小呢個靚模，人哋八模，我哋係以一敵九呀！」
怕老人癡呆
問到為何突然出書，錢嘉樂說：「我哋年紀愈嚟愈大，唔寫低啲嘢怕會唔記得，老人癡呆呀！而且書裏面嘅好多都係冇出街嘅歡樂笑話。」阮兆祥又說：「錢嘉樂從未正式開館授徒，今次佢真係教埋拳，教人防狼，教大家『獎老六通拳』。」
王祖藍又笑言之後打算出一本獎門人黃頁，內裏會有各藝人的聯絡電話，志偉更謂：「其實我哋之前同前獎老阿Lo（林曉峰）本來想出龍虎豹嘅，唔好諗錯，係諗住攞嚟嚇細路嘅啫！相都影埋，不過連自己都過唔到，後尾攞咗去鎮宅。」
文：影視組