吳雨霏（Kary）日前到電台受訪，期間獲DJ路芙和科林送她一套超性感的毛毛豹紋內衣，Kary笑說：「好野性！返屋企試着。」戴上口罩的她強調並非感染豬流感，她說：「我只係鼻敏感氣管有啲唔舒服。」她懷疑是被好友鄧麗欣（Stephy）傳染，她笑說：「佢咳完就輪到我，要搵佢尋仇。」
對Stephy跟傅穎（Theresa）不和升級，Kary知道Stephy為這些是非報道感煩惱，她說：「我安慰佢，當係書展宣傳囉。」有傳今次是非由金牌員工鬧出來，Kary表示絕不相信：「最好攞證據出嚟，之前都有好多傳言，又話out邊個，我就冇擔心過，照樣工作，其實公司對個個一視同仁。」不過Kary承認曾跟Stephy合作拍片，兩人傾偈較多，工作上跟Theresa合作較少，她說：「不過書展嗰日可以嘅兩個我都會去撐場。」