呂晶晶現時正於珠海拍攝劇集《蓮花雨》，劇中演員還有李國毅、曾愷玹、關智斌等一班年輕演員，晶晶飾演一名活潑女孩，更與李國毅一見鍾情，後來知道對方與好友曾愷玹有曖昧關係，變得神經緊張，更做出壞事。

會咀李國毅

晶晶坦言角色對她來說甚具挑戰性：「角色上嘅轉變都好大，我同李國毅會有咀戲，不過唔緊張，對方亦很靚仔，反而我好擔心之後去澳門拍嗰場笨豬跳嘅戲，劇情講我推曾愷玹落去，然後自己再跳，我都想用替身，但導演要求我自己做番，依家都冇晒辦法，惟有去到先算，（有曾愷玹壯膽！）佢仲驚過我呢！」

轉公司頭痛

另外，晶晶坦言與亞視的合約五月時已完結，現時與內地、本地多間經理人公司接洽中，與無綫方面亦傾談中，但一切還未落實。晶晶說：「自己都未諗掂，簽內地公司可以拍多啲劇集，始終內地係一個大巿場，但係自己另一方面都想留喺香港，嚟咗香港幾年，最希望都係攞埋個香港永久居民身份。」

文：影視組