六位美味天使推出火辣寫真，以處女水着色誘餓男，由34E陳蕊蕊（柑桔）到32A丁樂鍶（腸粉），波霸至平胸任君選擇，陳蕊蕊稱美味天使最佳賣點是出道未穿過泳衣，勝在有新鮮感。
繼八模兵團和E Cup Baby劉欣宜領軍的PS3（夏之盛放）推出寫真後，美味天使將於本月出寫真集《TATSE OF ANGELS》，包括33B劉俐（藍莓）、晴晴（豆沙包）、王宝宝（春卷）、32B王淑玲（香蕉）等，首次以水着、睡衣和制服誘惑色誘餓男，其中以波霸身材的柑桔最煞食，平胸的腸粉則以跳起搶鏡。
香蕉被雪
然而，在宣傳第一擊中，卻獨欠被雪的香蕉，早前六位天使到澳門拍寫真時，香蕉因衰多口指在酒店被鬼魘惹禍，搞到贊助商向無綫詐型，結果即時被踢入雪櫃，連寫真集宣傳都被踢出局。
擁有34E 25 35波霸身材的柑桔，以一敵眾E cup胸模，問她如何出奇制勝？她說：「我哋六個出道未着過泳衣，八模就着過泳衣影相，所以我哋有一定賣點。」至於宣傳照冇香蕉？她說：「吓，係咩，我哋一直有聯絡，但始終公司安排，自己管唔到。」
健康性感
而藍莓就說：「我有睇八模寫真，好靚，但佢哋冇合照，我哋就有，顯示團結，我哋唔係賣弄性感，係健康。」而寫真集發言人說：「總之暫時香蕉未配合到宣傳，首批發相冇佢，佢有參與拍攝工作，但其他宣傳工作未定，等公司再作安排。」
文：音樂組