「2009香港小姐競選」十位候選佳麗，昨日繼續到北海道二世古溫泉拍攝三點式泳裝外景，今次佳麗所穿的泳裝，較日前首次會晤傳媒所着的泳衣更性感惹火，更有不少佳麗出現「漏奶」情況，不過風頭仍不及同以泳裝示人的「師姐」胡杏兒、陳倩揚，十年未曾以比堅尼示人的杏兒，縱使有小肚腩、肚現摺痕，依然成為全場焦點，勁搶風頭。

10年前	胡杏兒（左）、陳倩揚齊齊以泳裝示人。	(4)劉倩婷(中)突然豐胸搶鏡。

十年後更靚更滑

杏兒出場時下身包着圍巾，遮遮掩掩，並開口要求記者鼓勵，經過傳媒一輪起哄，她表現興奮並大方脫下圍巾，但她不斷拍手拍到連手鈪都掉爛，她說：「選美後都未着過泳衣，事前都有戒口keep fit，希望以最佳狀態見人。（之前拍《肥田囍事》搞到肚有摺痕？）啲摺痕由細到大都有，唔關增肥、減肥事。今日好緊張，平時做嘢都好少着泳衣見人。（係咪佳麗質素差，要着泳衣撐場？）唔係，初初監製搵我，都話要着泳衣。（十年冇着泳衣有咩轉變？）十年前瘦啲，依家就靚啲、皮膚好啲。」而陳倩揚自當選後，不斷跑步keep fit，難怪她身形fit到漏。

(9)袁嘉敏（左）與A曾曦寧的泳衣似乎細了一個Size。

(7)鍾溥敏選港姐前曾寫球評，她亦被喻為「波神」。

(4)劉倩婷變警鐘胸

佳麗之中，(1)曾曦寧及(9)袁嘉敏，因為泳衣太細而「漏奶」，(4)劉倩婷就突然升cup豐胸變警鐘胸，劉倩婷卻說：「今日變咗『警鐘胸』？冇諗過呢個形容詞。（大咗喎？）唔係托，只係泳衣款式問題。」