本文重點
《Laughing Gor之變節》未開拍已有不少傳聞，近日謝天華、吳鎮宇及黃秋生等的片酬成為焦點，身為主角的天華片酬竟是三名主要男演員中最低的，而秋生的酬勞則像「海鮮價」般有不同版本。對此，天華沒好氣的說：「股票咩！升得咁快。」
《Laughing Gor之變節》集合影帝級人馬鎮宇及秋生，又有人氣急升的「Laughing哥」天華助陣，一眾猛人的片酬自然惹來不少猜測。最近有指秋生的片酬高達二百萬，鎮宇則收一百三十萬，反而主角天華只得十萬，相當離奇。
鎮宇謂世界難撈
對於片酬被公開一事，天華直言是「老作」，又笑謂：「前嗰排雜誌寫秋生120萬，依家咁快又升到200萬，股票咩！」有指陳法拉片酬只得六千，問天華會否替對方不值？他說：「假設性問題點答呀！佢唔寫秋生有二千萬，但我得十蚊已經要多謝佢哋手下留情啦！」
至於身在大陸拍劇的鎮宇聞言即謂：「我邊有收咁多，我收八萬啫！一定低過Laughing哥，啲錢全部畀晒秋生。依家世界難撈，所以返大陸撈吓道具先！」對於片酬被公開，葉翠翠謂：「呢啲咁嘅價錢點會公開，（之前話你幾百蚊？）都慣啦！佢哋話淨係封利是都得。」
文：影視組