陳偉霆（William）昨日現身電台接受訪問，對於緋聞女友Angelababy被雜誌「發現」嘴唇有疤，William抵死回應：「我絕對可以幫佢澄清，係痱滋，睇到之後笑咗好耐，因為佢平日好鍾意食零食，好熱氣。」對Baby口腔瞭如指掌莫非他曾激咀Baby？William說：「冇咁核突，係佢平日講嘢時常咬字不清，問過佢啫！」至於William亦被指整容，他豁達表示：「唔理喇，自己睇咗知唔係就OK！」
另外，William表示在網上發現有網友惡言大鬧MJ，令他非常難過：「自己睇到喊，佢都過咗身，點解唔睇佢好嘅一面，佢係King of Pop，為宣揚愛滋病同世界和平做咗好多，應該畀佢安息，佢生前已經好痛苦，尊重番佢！」