Joey昨日與師妹泳兒接受電台訪問，對於泳兒得寵一事，Joey表示只看過泳兒回應有關新聞，得知泳兒為此事不快，Joey說：「叫佢唔使擔心，唔係事實唔使解釋，唔會尷尬。（同泳兒少交流？）只係要工作，上次佢開騷我又要拍廣告啫。」Joey又謂根本冇得寵與失寵，只有做好自己，觀眾喜愛與否才是最重要。

祖兒謂沒有爭寵這回事，只有做好自己才是最重要。

Joey（左）同泳兒師姊妹一向感情要好。 （資料圖片）

做好自己分內事

而身為師妹的泳兒同樣表示與Joey見面冇尷尬，至於得寵之說，泳兒就表示各人有不同機會，公司會配合不同時間作出決定，她說：「自己有機會做好分內事，其實唔會干涉太多嘢。（爭寵？）絕對唔會。」此外，Joey及張敬軒等歌手將「夥拚」日本樂壇天后倉木麻衣及新加坡人氣歌手林俊傑，以四種語言合唱「太陽計劃2009」主題曲《Cheer up》。

MJ神聖不可侵犯

至於米高積遜（MJ）離世，Joey就感可惜，不過MJ背負着一堆負面新聞，對他或者是一種解脫：「佢為樂壇付出好多，留低嘅影像會流芳百世，都明白佢感受嘅痛苦。」至於MJ離世後遺體被發現曾作出多次整容手術，Joey則表示MJ為「最有靈魂舞台巨星」，並不是靠外表，她說：「咁佢係有整，反而擔心佢嘅傷患，其實佢唔整，黑黑哋都幾可愛！」對於曾被指似MJ，Joey就自嘲「唔靠靚」：「唔會唔開心，正如有人話我似一個好厚唇嘅球星，咪幾好笑。（咁你覺得似唔似MJ？）咩呀，唔可以拎我同MJ比，MJ係神，神聖不可侵犯！」

對於MJ整容，泳兒就謂：「唔知佢係咩原因要整容，但如果喺安全情況，而且令個人更加有自信嘅，依家呢個年代其實好普通，唔係整到面目全非就可以啦！」而曾被指整容的泳兒，被問到會否因此感到不快，她樂觀地說：「唔會，如果個報道話我整完醜咗就唔開心啫！」

採訪：音樂組　攝影：林楠