本文重點
徐子珊因為早前要在內地和甄子丹拍攝電影，因此沒有時間出席自己有份主演的電影《矮仔多情》首映禮，但前日她專程返港，和導演阮世生到旺角的一間戲院視察售票情況，現場所見除第一行外，其餘座位已賣清。
等候入場期間，吸引大批fans要求簽名和與子珊合照，更有fans請她食爆穀，而子珊亦有逗現場的小朋友玩，場面墟冚！
身材輸蝕
有傳徐子珊曾向導演表示想取替黃婉伶（Race）飾演的舞女角色，她亦直認不諱地說：「係呀，因為我識得跳舞，所以應該會拍得舒服啲！不過Race都好有勇氣，個角色要着啲性感衫，可能我唔夠佢身材咁好，所以導演唔畀我做。」她又即時向阮導演撒嬌，希望下一套戲可做性感角色，導演搞笑地回應：「下次畀你做變性人啦！」激得徐子珊紮紮跳地說：「好衰㗎！」
對於早前不能出席首映活動，她說：「好失望，我都未試過唔去首映，因為其實首映可以第一時間睇到觀眾反應，會好有滿足感！」而忙着在內地拍攝電影的子珊過兩日亦要返回內地繼續拍攝電影。
文：專案組