蔡卓妍（阿Sa）被委任為「開心大使」後，努力將快樂宣揚出去，她自爆笑點比較低，不用男友氹都好開心，至於遇到不開心的事情，只要大吃一頓就甚麼煩惱都拋掉。
阿Sa剛被bossini委任為「開心大使」，昨日到銅鑼灣分店試玩開心販賣機，又向途人大派開心紙扇，吸引大批市民圍觀，場面墟冚，阿Sa說：「我要將快樂宣揚出去，做多啲開心嘢，例如自己成日拍喜劇，少拍悲劇。」
氹阿嬌展歡顏
問阿Sa是否開心果？她說：「我個人都幾開心，笑點比較低。（男友有冇氹你開心？）不嬲自己好開心。」至於阿嬌年前因慾照事件情緒低落，問阿Sa點氹阿嬌開心？她說：「陪佢傾偈，可以講心裏面唔開心嘅嘢出來。」
欣賞米高積遜
對於阿嬌復工後再現歡顏，阿Sa說：「係呀，最緊要自己幫自己，冇人幫到自己，唔開心嘢我通常好快唔記得。（有乜方法？）食嘢囉，呢排肥好多。（唔開心？）唔係，出trip狂食啫。」
此外，對於米高積遜猝死，阿Sa說：「嗰朝5點幾去機場，收到外國朋友通知，我好欣賞佢，佢係Legend，好鍾意佢跳舞。」
採訪：音樂組