幾位有份演出網劇的靚模昨日齊齊出席首映，吸引大批電車男到場支持，其中以胡心諾（Rainbow）最受歡迎，獲fans即場示愛之餘，與她傳緋聞的老闆兼經理人張達鴻更直認最錫她，得寵程度可想而知。
由一眾(o靚)模包括胡心諾（Rainbow）、「E Cup Baby」劉欣宜、椋名凜及鍾蕙芝（Lavina）等演出的網劇《夏之盛放》昨日舉行首映，現場有近三十名電車男粉絲等候，不過幾位靚模卻收起性感，改為大晒名牌袋顯身價。
錫多啲都應該
大會要求粉絲們送花給靚模以選出夏之女神，最後Rainbow收到五支花當選。期間有粉絲大叫「Rainbow我真係好愛你」，Rainbow亦言不介意和粉絲拍拖。而近日跟Rainbow傳出緋聞的張達鴻（Admond）在活動快要完結時才現身，他否認與Rainbow的緋聞，說：「大家年紀接近玩得埋啲，唔止Rainbow一個。（會唔會同旗下靚模拍拖？）暫時唔肯定。（係咪特別錫Rainbow？）係，Rainbow係第一個簽嘅，錫佢多啲都應該。」
雖然在選舉中落敗，不過E Cup Baby仍表現大方，表示最緊要大家開心。有指傅穎嫌棄靚模，E Cup Baby大讚對方大方得體，應不會嫌棄她們。
Lavina扮嘢鬆
另外，Rainbow和Lavina前晚出席夜場活動，問到Rainbow可會應客人要求陪飲？她表示：「如果飲兩杯都無問題嘅。」此時身旁的Lavina即向她鬆㬹，提醒她未夠十八歲不可以飲酒，Rainbow立即笑言：「我指飲無酒精嘅嘢，我平時淨係飲養命酒。」
文：名人組