文彼得、張敬軒及RubberBand等昨日出席公開活動，彼得即席示範控球技術，又帶領現場觀眾踢波玩遊戲，贏盡掌聲。彼得透露將於下月接拍電視電影《四葉草》（暫名《我愛南華》），雖然未知道女主角是誰，但他期望與公司旗下女藝人合作，會有親切感。問他是否想藉拍劇入行？彼得說：「依家踢波發展得幾好，暫時未有計劃入行，公司都冇傾過呢個問題，今次拍劇都只係做番自己。」
另外，軒仔表示下月會飛往英國，憑票參與當地米高積遜的悼念活動。他說：「呢幾日睇新聞都覺得好唏噓，一個坐擁數以億計美金嘅藝人都可以變成咁，真係要好好學識理財。」
