蔡卓妍（阿Sa）昨日為服裝品牌Catwalk騷擔任嘉賓，並即席分享今年最開心的三件事，其中一件是於上海電影節兩度巧遇型男偶像奇里夫奧雲，阿Sa更形容兩人合照時，她的心跳異常加速。
向來笑容燦爛的阿Sa昨日以「開心大使」身份出席服裝品牌活動，主動教小朋友模特兒擺甫士，又教品牌的外籍CEO講廣東話，氣氛熱鬧。
提鄭中基笑晒
席上主持人問到阿Sa今年最開心的三件事，她表示是年初飛到丹麥拍廣告、首次以個人名義推出《二缺一》專輯、與偶像奇里夫奧雲碰面。阿Sa說：「啱啱上海電影節同Clive Owen（奇里夫奧雲）合照，我第一眼見到佢簡直唔敢相信，真係勁開心，我個心跳從來未試過咁高速。」問到面對男友鄭中基時會否同樣心跳加速，阿Sa則笑而不語。她笑稱一直期望跟奇里夫奧雲、尊尼特普及曉格蘭特三位型男見面，現時總算圓了三分之一心願。
冇需要打Botox
對於好友鍾欣桐（阿嬌）直認打Botox修手臂及小腿，阿Sa表示略有所聞，但她說：「我自己暫時未有呢個衝動同需要，（阿嬌好需要？）咁佢做代言人，一定要親身試過，而且佢一路以來都好想改善對腳同對手嘅線條。」
採訪：音樂組