Angelababy、2R、賈曉晨（JJ）等前晚各以性感裝扮出席《矮仔多情》首映，其中以JJ的低Ｖ露背晚裝最為性感，成功搶鏡。
JJ聞得傳媒讚她性感，喜上眉梢說：「多謝，呢條裙係一個朋友送，佢係專做晚裝，我收咗呢條裙好耐，一直冇機會着，呢個首映對我好重要，所以性感我都要着出嚟，我做足安全措施，貼晒膠紙，出門口之前仲照咗好耐鏡，不過我都唔敢亂郁。」
Angelababy則解釋不以性感搶鏡的原因，她說：「我鍾意呢套衫就着，（男友唔撐場？）邊個先？男性朋友就有，（講陳偉霆呀！）我會叫佢畀錢入場睇，支持吓都應該，遲啲我出寫真，叫佢買一打添呀。（報道話你整容有冇唔開心？）以前就會唔開心，我對自己個樣唔講得係好滿意，但都唔係唔滿意到要去整容。」
黃婉伶（Race）被前來捧場的胞姊黃婉君大爆為新片勤練艷舞，問Race會否跳給緋聞男友看，她說：「平時梗係唔會跳，要跳留番結婚洞房先跳。」