靚模Rainbow（胡心諾）早前和兩名友人到尖沙咀行街，在商場的foodcourt吃東西時，只掛住傾電話的她吩咐兩個朋友幫她買食物。另外，購物完畢後她更要兩位朋友「服侍」，幫她拎着幾袋「戰利品」。當Rainbow在一間鞋店試鞋時，一臉疲態的她更指指點點，要求朋友拿取心水鞋款給她試，其中一個朋友更蹲下替她綁好鞋扣，Rainbow全程儼如大家姐，認真巴閉！
其後記者上前問Rainbow為何突然多了兩名「助手」時，她說︰「唔係呀，佢哋係我啲師妹Mona同YoYo，同我同一間公司㗎！（點解全程要人服侍嘅？）哈哈，唔係呀，我啱啱去完function好攰，佢哋幫我拎嘢啫！」而小師妹Mona和YoYo亦齊聲說︰「見佢好攰先幫佢拎一陣啫，佢都冇點我哋！」