昨日，William與「榮譽太陽大使」容祖兒、張敬軒、泳兒、薛凱琪（Fiona）、G.E.M.、李蘊、方珈悠、郭穎橋及冼色麗等歌手及DJ出席「太陽計劃2009曬太陽」活動，大會並宣布今年的太陽少男、少女分別是溫家恆與王梓軒、李蘊與方珈悠。

祖兒前晚與古巨基錄映《勁歌金曲》。	陳偉霆為大會排舞，坦言有壓力。	Fiona同軒仔因工作而未能跟爹哋慶祝父親節。

想同基仔拍喜劇

為大會排舞的William表示：「除咗啲DJ，佢哋個個都跳得，搞到我好大壓力！」師姐祖兒得悉後即力撐William：「佢係『舞王』，唔使大壓力，一定得㗎！」雙眼布滿紅筋的祖兒更自嘲是「鹹魚身軀」，她說：「我由成都返嚟到依家都唔夠瞓！」而前晚她與古巨基錄影《勁歌金曲》時透露想與古巨基合作拍喜劇。

Fiona組長頸鹿隊

當Fiona與一眾歌手玩「手棉球」遊戲時，被司儀寸是「長頸鹿隊」，她即追打着對方，Fiona透露近日忙於跟緋聞男友房祖名拍攝電影及錄音，故忙到沒有時間跟父親慶祝父親節！

至於張敬軒則一早送了父親節禮物，他說：「我阿爸後生時好想做軍人，所以我就送咗支機關槍畀佢！」鬼馬的軒仔還笑言：「佢鍾意玩制服誘惑！」

文：音樂組