古天樂昨日出席「361°和鞋互贈」活動，並即席捐出一雙波鞋以示支持。古仔表示家中有過百雙鞋，大多數都只穿過一至兩次便會捐到慈善機構：「衫同鞋都係咁，我好少會拎去二手店賣。」說到父親節的禮物，古仔即笑指為此要化身「特務」偷入父親房：「諗送咩畀佢真係好頭痕，惟有等佢出咗街偷入佢房，睇佢有咩爛咗、唔見咗就送番畀佢。（佢想飲新抱茶多啲？）咁又唔係，我全家人都冇催我，反而啲朋友同舊同學就替我着急，成日叫我去相睇。」