留有小鬍子的男模Hale（今野晴也）是日本及以色列的混血兒，四月底才來港工作的他已有機會跟靚女劉心悠及胡杏兒合作，可謂艷福不淺！早前有傳他與杏兒拍ＭＶ時對女方「嗒晒糖」，不時藉故親近，而Hale也直認對杏兒有好感，他說：「佢好靚、好有魅力同好nice！拍攝時冇乜親密場面，多數都係拍我哋擦身而過嘅場面，當時我好失望，因為冇得同佢擁抱！」而Hale亦大讚曾合作拍廣告的心悠漂亮可愛，不過笑言心悠只懂少許日文，而自己的英文也只有半桶水，所以有點言語不通。
Hale表示今年初透過日本歌手朋友認識王友良，對方熱烈推薦他來港工作，於是Hale決定到香港闖一闖！除了當模特兒外，Hale本身也是短片導演及製作人，在日本還成立了一個拍攝小組。Hale有意拍攝一個以香港為背景的短片，他笑說：「喺香港認識咗唔少新朋友，希望可以邀請佢哋做我短片嘅主角，記錄低美好嘅回憶！」
服裝：Ted Baker
場地：Lekker Cafe