半年前成立的「Love Mission」由三男兩女共五位成員組成，包括劉以達、鍾凱瑩（Charis）、鄧應祈、黃文傑及Rita，五人均是虔誠的基督徒，劉以達形容這隊Band的組成是神的安排，他表示：「信咗主後，我好想用自己嘅力量去敬拜神，但我冇嘢叻，最叻就係音樂，所以就諗到要組隊Band，呢隊Band全部係神安排，四位成員都係朋友介紹，個個都各有所長，真係好感恩！」

Charis（左）與Rita對可以與劉以達合作感到興奮。

鄧應祈（左）及黃文傑都是經朋友介紹認識劉以達，他們表示這是神的安排。

一手包辦新碟歌曲

阿達透露今次新碟的六首歌，全是他們一手包辦，然而過往的英式搖滾音樂跟現時所製作的福音歌曲風格簡直是南轅北轍，但阿達依然樂此不疲，一切只為歌頌上帝，他說：「我以前寫一首歌個幾月都寫唔掂，但開始作福音歌時，三首歌嘅填詞、作曲同編曲我只係用咗兩日時間就完成！」阿達續說：「我哋呢隊樂隊有一個重要使命，就係去啲教會同學校宣揚福音！」至於信仰可有令他改變？阿達表示：「以前成日覺得做人好煩、好大壓力，依家樂觀咗，日日都好開心，因為乜都交晒畀主！」

與達哥合作感興奮

另外，四位成員對於能跟劉以達組成樂隊亦感到既神奇又興奮，他們異口同聲表示：「我哋以前都成日聽達明一派嘅歌，聽到可以跟達哥組Band，梗係『(舌票)飯應』啦！」

採訪：音樂組

攝影：沈健程

場地：Eutopos Cafe