跳舞組合HotCha日前到銅鑼灣學車，考牌失敗的Crystal及Winkie甫見教車師傅，即追住對方請教「必勝」技巧。Crystal坦言上次考牌時因太緊張而肥佬：「我覺得自己太魯莽，未考之前以為泊車無問題，點知就唔得；以為掉頭唔掂竟然掂咗，一定係緊張到亂晒龍！其實師傅已經喺試前同我講清楚要點做，仲好有心機同我練咗好多次，但係到考嗰陣太緊張累事。」Crystal更自爆聽錯考官指示而即時「肥佬」。

HotCha今次學車顯得小心翼翼，避免再擺烏龍。	放大圖片	Crystal做足安全措施。

檢討失敗原因

而Winkie學車時亦顯得小心翼翼，師傅指她的帽可能會影響視線，Winkie寧願整亂髮型亦立即除帽，果然學乖了不少。她表示有檢討過上次失敗的原因，謂：「可能我太忙唔夠時間學，因為考嗰排錄緊新碟，一路學一路擔心緊新碟嘅事。我仲學識唔好扭咁多軚同埋小心泊位，嚟緊再考嗰陣，一定唔會衰㗎啦！」

而平日最頑皮的Regen，上次甫上車即「車神上身」，這次就乖乖保持安全車速，師傅亦不厭其煩叮囑她要安全駕駛。Regen表示：「我都知自己個性比較大頭蝦，所以揸車嗰陣都會特別小心，加埋有師傅教路，依家對自己都有信心咗。」

文：音樂組