宋熙年日前接受專訪，對於被冠以「嘟嘟姐接班人」，她說：「真係唔敢當，我未有咁嘅資格，未同嘟嘟姐合作過，如果第日有機會合作，一定好驚。」視嘟嘟姐為偶像的宋熙年透露過去有研究嘟嘟姐主持的節目去偷師，怪不得大有進步，她說：「最初做主持好顧及華姐形象，依家已經放低咗個包袱，做自己係最舒服。」

與陳爽分居

早前與陳爽「同居」的宋熙年，如今已「獨居」，她說：「之前住公司安排嘅宿舍，都夠時間要搬，以前會好驚一個人住，但入行之後每日都見到好多唔同嘅人，反而希望有屬於自己嘅空間。」問宋熙年可有想過置業？她說：「依家唔敢諗置業，初初嚟香港發展，定咗要兩年內買樓，但係結果做唔到，覺得好失敗，原來儲首期係好難，依家會盡力啦，唔會定時間畀自己太大壓力。」

自薦受挑戰

被安排到《東張西望》令宋熙年有機會一展所長，宋熙年透露目前最希望參加《舞動奇跡》比賽，她說：「呢個比賽由訓練到參賽都係一個好大嘅挑戰，雖然人哋話好辛苦，但係都好希望參加，我覺得冇嘢做仲辛苦，都有同經理人提出過，希望有咁嘅機會啦。」

採訪：影視組

攝影：吳文聰　

場地：i thai（銅鑼灣加寧街）　

服裝：A/X　髮型：Jerry Fong@HAiR