陸詩韻、黃長興早前到武漢登台，更大跳牛仔舞助興。已兩年沒有跳舞的陸詩韻，表示跳時舞姿生硬，她說：「以前選完港姐後，經常都跳舞，無論出席大小籌款活動都跳，成個舞后咁，不過已經兩年冇跳，感覺生疏咗好多，加上今次係跳牛仔舞，節奏好快，手腳唔協調。登台前只練咗四、五個鐘，好攰，以前跳五、六個鐘都ＯＫ，今時唔同往日。」
反觀黃長興就跳得有板有眼，連陸詩韻亦大讚：「今次有好多高難度動作，佢仲要舉起我，雖然我手長腳長，一啲都唔輕，不過佢都舉得起。（係咪第一次同長興合作跳舞？）係㗎，之前拍ＭＶ曾演過夫婦，佢都當我係男人，所以就算有貼身舞亦唔會尷尬。」
