胡琳繼去年尾邀恭碩良為她的音樂會助陣後，一直很想再與對方合作，她說：「我好鍾意《野地戀人》呢首歌，開頭佢話首歌畀咗人，我不停求佢畀我啦，終於求到番嚟，好開心，佢仲幫我監製呢首歌，又讚我唱得有feeling，好perfect。」

以前胡琳一直很注重真樂器，但這首歌用很多電子音樂，節奏感很強，她說：「對比以前啲歌曲風格，呢首好有新鮮感，依家做新歌除咗要求歌曲質素好，仲要嘗試唔同風格，呢首歌好啱自己。」

胡琳自言保守，未試過打野戰。

經常笑容燦爛的胡琳。

唔敢打野戰

至於歌名叫《野地戀人》，十分引人遐想，胡琳笑說：「首歌表達自由，想同自己鍾意嘅人做乜都得，好多想像空間。（打野戰？）唔係呀，唔關事，只係歌名令人諗到呢個意思，屬於思想上嘅開放，尋找心中自由，唔一定係呢個意思，音樂比意思更重要。（有冇試過打野戰？）未喎，我冇咁開放，呢啲留畀第二個做。」

採訪：音樂組

攝影：吳文聰

髮型：Price Wong@HH Hair IL Colpo Group