陳鍵鋒、鄭欣宜及蘇民峰日前擔任森美、小儀主持的新節目《千奇百趣》的嘉賓，大估各樣千奇百怪的事物。勝出者會贏得到一條身長兩米的珍貴赤幹魚作獎品，而輸家則要接受大懲罰，被二百磅重的肥妹「責」。結果欣宜勝出，而骨巉巉的蘇民峰及陳鍵鋒則接受懲罰，場面搞笑。

迷上海底世界

雖然陳鍵鋒落敗，但他仍自言是一個好奇的人，對身邊事物都會問餐飽，絕對是名副其實的「問題少男」。他說：「我一向都好八卦，遇到唔知嘅嘢都會追問一餐，成日畀啲朋友話我煩。最近我就迷上海底世界，好鍾意潛水，雖然好多人覺得海底世界好危險，不過我就覺得海底世界好寧靜，畀人一種好鬆弛感覺，而且海底世界仲畀人好神秘嘅感覺，好值得我去探索。」

首次被二百磅肥妹所壓的陳鍵鋒，坦言感覺好重，皆因對方毫不留情地坐在他大髀上，「責」到他雙腳麻痹。他說：「都未死得嘅，頂得住，其實之前都唔知有咁嘅懲罰，所以一啲心理準備都冇。」

文：影視組