熱愛攝影的周柏豪，日前化身「龍友」為小儀主持的電台節目影相，更向兩名擔任模特兒的fans落嘴頭氹他們扮情侶拖手，他與小儀則示範教擺甫士，卻被小儀大整蠱，笑他似馬騮要幫手捉蝨，超級爆笑！
柏豪自言入行前愛影風景，現在則喜歡影同事，同公司的薛凱琪（Fiona）更是必影對象：「Fiona係個幾好影嘅女仔，又靚女，我都收埋好多佢嘅相！」
下月柏豪將推出新碟及在書展出攝影集，雖然靚模紛紛出寫真集，因彼此市場不同，他不擔心競爭激烈。他說：「書裏面有我嘅童年回憶，仲有我生命中第一個喜歡嘅女仔，佢係我幼稚園同學，依家已經唔記得佢個名，希望佢睇到呢本書會搵我！」
