黃長發與三奶Karen（李姿霆）分手後，Karen近日先後在雜誌上哭訴並狂插長發，Karen昨日在電話回應說：「我冇同雜誌講過『有眼無珠識錯佢』，大家當初拍拖係真心，我到依家仲好維護長發，只係話佢呷醋，從來冇數過佢。」
報道指長發覺得Karen一直想以物質箍住他？Karen說：「之前佢經濟有問題，我出手幫佢，咁佢就覺得我係用錢箍佢？但係我可以肯定阿發由頭到尾都唔係貪錢嘅人。」
問Karen還有沒有與長發聯絡？她說：「仲聯絡嚟做咩？一陣又畀人話我死纏，分開係大家都有壓力，依家關係告一段落，我都唔想咁煩，我仲要打官司，仲有好多嘢要處理。」
對於黃長興指Karen講大話，否認是他慫恿長發與Karen公開關係，Karen說：「係佢（長興）叫我出嚟講嘅，我又唔係呢行點識呢啲嘢。」問Karen會否封嘴避是非？她說：「佢都有佢大哥幫佢講說話呀，我就得一個人，好似今日呢個報道，我都有必要澄清！」