昨午二時許，阿嬌頭戴黑色帽、架上墨鏡、身穿圖案Ｔ恤、牛仔褲、黑色高踭短靴、手戴黑色珠鏈、孭着啡色Chanel手袋及佩戴Chanel耳環，以一身型格打扮現身機場，同行還有兩名助手陪同，三人一起赴馬來西亞工作。

阿嬌表現大方，面露微笑，任影唔嬲，她先和助手辦理登機手續，問到此行逗留多少天？阿嬌幽默地說：「去咁多日囉！」據知她在馬國逗留三天拍廣告，並於明天乘坐早機返港，避過下午同時現身當地的Edison。問到是否故意乘早機返港避免撞正？她冷淡地說：「唔知佢幾時去同幾時返。」若然見到面會否感尷尬？她語氣堅定地說：「唔會見到面，我去做嘢！（機場會遇到？）機場好大㗎！」

差啲唔見咗護照

問到會否順道在馬國瘋狂購物？她稱：「唔會呀，都冇時間。（你嘅狀態好嘛？）幾好，但把聲沙沙哋！」阿嬌又自爆險些未能登機，她說：「因為差啲唔見咗本護照，搵咗成晚先搵到。（喺邊度搵番？）搵過嘅地方搵番。」之後便與助手入閘，離開時她還揮手講拜拜。

英皇斥資六位數

另外，阿嬌稍後首度參與爆笑舞台劇《星爸亞爸》演出，並視之為新挑戰，據悉英皇娛樂集團斥資六位數字，成功洽購《星》劇。屆時阿嬌會聯同香港劇帝陳淑儀，及香港劇壇百變天后邵美君，攜手演出《星》劇，三人大鬥演技，狂放笑彈，阿嬌並將出席下周舉行的記者會。

文：專案組