曾揚言「封胸」的E cup Baby將會來個大解放，再次以性感比堅尼上陣，拍攝「夏之盛放」寫真集。而一眾靚模日前到了無人島拍攝寫真，E cup Baby表示因為要留倩影，而再次穿上比堅尼，她說︰「其實之前都話暫時唔着比堅尼，咁今次寫真集都係健康性感，所以都可以接受！（點解得你一個可以着牛仔短褲？）我想型啲同sporty啲！」

Rainbow稱或會送自己的寫真給方力申。	Lavina（右）和E cup Baby「胸對胸」對撼，攬腰以避不和是非！	Tian和Monique（左）雖然身材不及兩位「Ｅ娃」，但卻大賣青春氣息！

各有不同賣點

對於今次各人有不同版本的寫真，問她們是否要避是非才出此下策時，E cup Baby說︰「都唔係嘅， 我哋都有大合照㗎！」而Lavina亦說︰「因為個個都有唔同賣點，我就sell冷酷，Miyoko就sell可愛，Rainbow就sell青春！」曾和方力申傳緋聞的Rainbow被問會否送自己版本的寫真給對方時，她尷尬地說︰「如果做嘢見到佢都會送嘅！」

被狂影感尷尬

而最近各人都經常打扮性感地出席公開活動，問到被人狂影身材會否令她們感到尷尬時，E cup Baby直言︰「都尷尬㗎，我都怕有變態佬跟住我㗎，但係好彩都冇遇到。」另一位「E娃」Lavina亦說︰「一定覺尷尬啦！最緊要係我哋性感得嚟做足防走光措施，而且經理人都會睇住我哋，都放心唔怕嘅！」

文：專案組