官恩娜（Ella）與張繼聰（Louis）昨日出席「親親爹哋電玩『城』＠海港城」活動，大會安排二人示範玩電動遊戲，Ella示範唱歌遊戲時賣口乖說：「我成日都喺屋企玩㗎，『唱K』呀嘛！」令人聯想起前緋聞男友吳卓羲，在旁的Louis即大笑，Ella才尷尬意識到自己講錯說話。Ella早前被拍得揀內褲，她謂：「本來想買自己內衣，睇到啲質地好靚，但只係得男裝，就諗住買畀哥哥同爸爸，無端端有人影我好驚，我好細膽。」笑指父親節禮物因此泡湯。
Louis自爆囝囝張瞻喜歡睇住他打機：「係一個幾好嘅親子活動，期待可以同佢一齊玩！」他謂父親節將代囝囝向太太謝安琪送上古代帝王花，笑言：「提醒佢我係屋企嘅帝王，哈！」
