楊千嬅連續四年為手錶品牌擔任代言人，昨日出席銅鑼灣新店開幕儀式，獲大會送上情侶手錶。問她會否送予緋聞男友丁子高？自言是錶癡的千嬅說：「我好貪心，自己會吞晒，因為我真係好鍾意手錶，以前未做代言人嗰陣，都會用幾萬蚊買呢個牌子嘅錶，依家儲咗三十幾隻，最貴嗰隻要六位數。」她表示沒有戴情侶飾物的習慣，即使男友送亦要視乎款式：「真係要結婚，戒指先可以一齊戴。（幾時準備戴？）我唔話得事，叫佢同個天入紙申請先啦，個天先話得事！」千嬅又透露將到內地拍攝陳嘉上的古裝新片。