《峯‧情無限Let's Get Wet演唱會》前晚假紅館舉行，林峯邀請多位好友擔任嘉賓，包括王祖藍、農夫、楊千嬅、泳兒及謝天華。林峯大晒唱功，唱了不少張國榮、王菲、張學友、周杰倫、王力宏、陶喆、方大同及王菀之等實力派歌手的歌曲，不過擅長整蠱人的農夫就改掉《風生水起》歌詞擺林峯和緋聞女友鍾嘉欣上枱：「阿峯好好人，過幾年過身，唔係結婚，阿峯係大情人，老婆係鍾嘉欣！」笑爆全場。

林峯濕身與女模大跳辣身舞，害羞拘謹！	穿上T-back褲的林峯，大晒「股巨肌」益女fans。	林峯邀得千嬅任嘉賓，合唱《心仍是冷》。

自己都覺嘔

楊千嬅跟林峯合唱完《心仍是冷》後，「Laughing哥」謝天華緊接出場，正當觀眾以為二人會勁歌熱舞之際，林峯和天華竟十指緊扣獻唱《女校男生》，引來全場哄動，林峯更邊唱邊咬唇扮cute，唱畢後林峯一臉肉緊：「真係好嘔！」而天華亦說：「每次唱親都起晒雞皮！」二人扮完男版Twins，天華除掉外套露出背肌solo，他說：「唱番首cool少少嘅歌，Cool Love『酷愛』！」

換過另一套服裝的林峯甫上台即與天華大鬥舞姿，林峯更露出「T-back褲」，事後林峯表示：「條褲係低腰褲唔係T-back，但露出嚟嘅係pat pat唔係腰，因為我籮柚生得高、好趷！」

任女模撫摸

之後，林峯再換過一件透視黑色上衣，與八位三點式女模到水池邊戲水邊唱歌，並跟女模大跳辣身舞，林峯更睡在女模大腿上，任由一眾女模撫摸其身軀，引來尖叫聲不絕，由於現場有人造瀑布，林峯頓時變成落湯雞，他索性將身子浸在水裏，最後林峯以《愛不疚》作完場。

事後被問到濕身環節跟女模跳舞不夠放，林峯說：「我要同女dancers互動，又要記歌詞嘛，我大膽啲又畀你哋講！」林峯稱不介意緋聞被農夫搬上台，問他可有邀請鍾嘉欣捧場？他說：「我個個都有請，唔知佢會唔會嚟！」

另外，林峯完騷接受完記者訪問後，隨即在紅館後台舉行新碟簽名會，有近半百歌迷排隊輪候。

文：音樂組