香港靚模氣勢如虹！昨日動漫Maggie、Lavina以及Monique齊齊出席「gi girls夏日水戰」，在酷熱天氣下穿上火辣比堅尼，令現場氣溫即時上升不少。

Monique怕出事，頻頻留意泳衣有否走位。	動漫Maggie水戰爆缸流牙血，難得她依然笑得出。	Monique雖然身材未夠搶鏡，但「飛墊」後成功出位。

徘徊走光邊緣

由三位香港靚模組成的香港隊，各出奇招鬥搶鏡，力拚韓國組合Yes成員MiMi、NaNa及DaDa，單是身材方面，香港隊拋離對手幾個「cup」數，熱力逼人。

34E的Lavina逼爆上圍襯上火紅泳衣，猶如火球一樣，甫出場已露乳貼，下水打波更是落力，不停從鱷魚浮床跌落水再奮力爬起身，一上一落徘徊在走光邊緣， 過程相當牙煙！事後記者告知她露乳貼，她反應甚大地說：「吓！有露乳貼咩？我唔知呀，因為啲泳衣得一個size，之前又冇試過，加上今日啲乳貼比我平時用嘅大啲，大家唔使咁驚，乳貼同打底褲一樣啫。」

韓國Yes組合NaNa（左起）、DaDa及MiMi身材明顯輸蝕。

若果「香港隊」三女全場企喺龍門前，相信可以博和唔輸波。

動漫Maggie爆缸

同場的「翻版阿Sa」Monique雖然身材略為失色，但落水後突然「飛墊」，其肉色胸墊浮在水面，幸得工作人員眼明手快迅速一手執起。Monique上水後尷尬地說：「頭先飛咗出嚟好尷尬，我都覺得自己瘦咗，不過唔緊要，我仲發育緊，會請教Lavina同Maggie，希望升多一cup。」

至於身材向來「偉大」的Maggie，昨日雖沒有刻意搶鏡，但當她守龍門時為阻擋韓國隊射門，不慎被Yes成員「摑」中，結果牙肉當場出血，雖令賽事被迫腰斬，亦成功變為焦點。所以昨日香港隊在友誼水球戰上輸三比一，但氣勢卻贏「韓國隊」成條街！

文：影視組