李詩韻日前為纖體公司廣告拍攝多個性感造型，騷胸、露背樣樣齊，其中有個Deep V裝令她露出酥胸極盡性感，可說是入行六年以來最性感的一次。原來李詩韻一向對自己的身材都缺乏信心，還自嘲說：「我都唔係苗條型，由細到大都係運動型，周身肌肉，所以都會着得密實啲，比較暴露嘅Job我都唔會接，今次真係一大突破，（但都冇三點式泳裝Look？）我嘅底線始終未接受到泳裝，選完香港小姐後都未再試過着三點式或泳裝見人。」

怕穿三點式

詩韻坦言着低胸裝令她很不習慣，尤其是拍攝時現場有很多工作人員，故令她有點緊張，笑言自己絕對不是穿三點式泳裝的材料，故幾多酬勞都不會接拍。問到近期(o靚)模盛行，不性感豈非輸蝕？詩韻說：「大家行嘅路唔同，我係做戲，唔想人只專注喺我身材上面，（今次性感有冇問過緋聞男友鄧健泓？）點解要問佢呀？工作嘅嘢唔使問，只需要問經理人。」

文：影視組