謝安琪（Kay）昨日出席記者會，宣傳中國原創音樂劇《蝶》，而Kay則負責獻唱《蝶》主題曲。對於被拍得到酒樓歎平價點心為囝囝張瞻慶祝兩歲生日，Kay坦言：「都係一般慶祝冇鋪張，冇特別花錢。（咁慳錢食平價點心？）唔知呀，我都係join屋企人！」她又稱沒送禮物給囝囝，因覺得時下年輕人心靈太脆弱，所以寧願送一個開心的人生觀給愛兒。
至於Kay老公張繼聰昨日與周國賢（Endy）為本周六舉行的慈善音樂會綵排，張繼聰透露會帶兒子同往。問他可有送生日禮物給兒子？他說：「都有，買咗條魚畀佢，想教識佢尊重生命，水係我換，但餵嘢食就由佢嚟！」
