前晚諸葛梓岐、周秀娜、農夫及I Love You Boy'z出席Nokia「新一代機王N97」發布會，期間Lynn與「丈夫」甄子丹擔任特別嘉賓在台上打鑼打鼓進行開售儀式，體貼的Lynn穿上平底鞋遷就甄子丹高度。

穿上低Ｖ開胸裙的熊黛林不敢做太大動作。	甄子丹讚熊黛林專業，經常穿平底鞋遷就他。	周秀娜（左）與諸葛梓岐的打扮不及熊黛林性感。

不敢太大動作

穿上Gianfranco Ferre低V開胸連身裙的Lynn，活動期間均小心翼翼，在大會預設的打鼓環節時也不敢太大動作，可惜最終也失守露出乳貼。至活動尾聲，大會安排發放紙炮，「呯」一聲即紙碎四散，「啱啱遇着剛剛」紙碎掉落Lynn胸口內，她即時掩嘴傻笑，情況尷尬。

事後Lynn表示已做足安全措施，她謂：「條裙好實好貼身，應該唔會走光。（有紙碎跌落你胸前喎！）係呀，好在離觀眾遠咋。」有指Lynn師妹Angelababy整容，她即力撐說：「即係話佢靚啫！（佢話唔反對整容喎！）其實我覺得如果老咗有需要都冇所謂，科技發展就係想畀啲女仔靚之嘛！」

撐姨仔多人追

另外，甄子丹被問到姨仔汪圓圓甩拖一事時，他說：「咁絕對係個男仔損失啦！我姨仔又乖又靚，大把人追！」記者笑言Lynn刻意穿上平底鞋遷就他，他即笑說：「Lynn不嬲都就我，我成日讚佢專業，一見到我就唔着高踭鞋。」

文：名人組