昨日阿嬌為VEVA手機拍廣告獲贈水瓶座水晶手機，廣告商一年宣傳費超過五千萬港元，章子怡亦是代言人。

密密做密密執

昨日阿嬌風騷表示廣告商無限量送手機給她，好姊妹蔡卓妍（阿Sa）亦受惠，至於男友麥浚龍，她說：「佢咁有錢，自己買啦！」

復出後阿嬌狂接廣告密密賺，她表示除了香港還有東南亞地區，又會替Bauhaus拍新廣告，另外還有舞台劇。阿嬌如此搏命，為財政解困？她說：「啲屋放租可以供樓，我夠錢喎！其實我以前都好搏，我喺邊度跌低，就邊度企番起身！」

早前接受湖南衞視《背後的故事》專訪終於見光，阿嬌坦言當日身體不適表現欠佳，很想重錄。至於Twins何時重聚？阿嬌估計可能是年底英皇騷，不過同場未必同台，她渴望與阿Sa再合作。

Block咗佢MSN

有傳Edison透過MSN約共飯破冰，阿嬌絕情地說：「我應該唔會聽電話，Block咗佢（Edison）嘅MSN，算啦，唔想再答呢個問題！（希望Edison消失？）唔係，唔需要。（佢唔搵你係咪最好嘅禮物？）唔好再問啦。」阿嬌不僅不提，更劃清界線，日內她將飛馬國並以七位數字接拍啤酒廣告，事有湊巧，Edison亦於周六到當地為旗下時裝店Juice開張造勢，阿嬌為避與下午抵埗的Edison碰頭，寧放棄shopping也趕周六晨早第一班機返港。對此二人的經理人都表示不知情，Edison的發言人梁小姐說：「見到面咪點吓頭，問候一吓囉。」

文：專案組