（口靚）界女神Angelababy早前獲木村拓哉的御用形象顧問野口強青睞，早在五月時邀她到日本拍攝雜誌《Glamorous》的新一期專輯，配以日本最top的班底，Baby更以高難度甫士展示多套性感泳裝，盡顯誘人魅力，她說：「化妝師見到我之後，即刻要求同我做個facial先，其實日本普遍會要求拍攝化妝專輯嘅模特兒做facial，影時裝前都要做都算係第一次，仲有野口強先生來來回回都睇過啲衫五、六次咁多，佢哋真係好認真！不過未影前都有少少擔心會走光，但泳褲試上身之後就覺得好靚。」
此外，Baby闖日至今，有日本網友指Baby貌似曾參演《死亡筆記：最後的名字》的中年女星上原櫻，外形亦難以跟日本靚模爭飯食，幸好也有支持者大讚Baby樣子可愛，揚言會鼎力支持。而avex社長松浦勝人對Baby亦寵愛有加，他昨日就在個人網誌公開Baby按其樣貌畫的漫畫肖像，完全美化了其貌不揚的松浦社長，難怪他在文章中自言冧爆。