小肥當年獲Paco一手提攜簽約成為歌手，對於Paco調往電影部，小肥說：「冇實質問佢，表面見佢有少少唔開心，可能係一時唔習慣啦。（有冇安慰佢？）有傳短訊，因為自己唔識面對面去傾，佢都有覆我，仲為我打氣。（怕唔怕變孤兒仔？）唔擔心，公司仲幫我出碟，今次嘅宣傳仲強過第一張碟。」

公司唔使倒貼

問他有否擔心前途？小肥說：「冇擔心，隨遇而安啦，不過見家人（指公司同事）搞到咁有少少唔高興，不過公司會照run。」有傳小肥被out是因為沒有錢賺，小肥澄清說：「我有拍戲同接澳門騷，係有錢賺，公司唔需要倒貼。（有冇唔開心？）唉！都冇得話開唔開心。」

抗拒女仔主動

事業遇到阻滯，感情會否得意？小肥哈哈笑謂：「隨緣啦，緣分係唔可以強求，父母從來都唔會催。（發展中？）有都不妨發展，不過對方一定要體諒我囉，因為唔想感情影響工作。」台灣藝人羅志祥曾捲入網絡性愛（cyber sex）風波，問小肥有否試過？他即說：「我好少上網結交異性，如果有女仔喺網上好主動撩我，我會say no。」

採訪：音樂組 髮型：Bowie@Chin G.