十位候選香港小姐昨日到銅鑼灣一間眼鏡公司挑選眼鏡，每人皆獲贈兩副名牌太陽眼鏡，稍後將選出「時尚目光獎」得主。另外，大會送花祝賀昨日生日的「女版許愿」(2)林潔瑜及十八日「牛一」的「翻版周秀娜」(5)馬詠恩。

(3)鄭寶源與(4)劉倩婷拿起太陽眼鏡左試右試。

Hilaire強調自己未婚。

以前冇咁乞人憎

連日來不斷被讀者爆料狂插的「是非空姐」(1)曾曦寧（Hilaire）原來與戴夢夢是中學同學，兩個讀書時分屬「死黨」，至今仍有聯絡，夢夢近日閱報才發現她參選，夢夢說：「讀書嗰陣佢又唔係咁乞人憎喎，但就真係好鍾意名牌，不過又唔係屈男友買嘅，係靠自己唔食飯慳錢去買。」夢夢更勸她對是非新聞要看開點。

巧合入駕駛機艙

有報料指Hilaire在休班時擅入駕駛機艙會男友，令其男友受責，影響升職機會。Hilaire的回應充滿「巧合」，莫非真係咁蹺？她說：「因為我哋空姐嘅優惠機票係Stand by位，碰巧嗰次班機嘅客位滿咗，因為我有Permit（允許），先要求坐喺駕駛艙裏面嘅Jump seat位（活動摺椅）。（係咪刻意坐男友駕駛嘅飛機？）唔係，嗰次係同屋企人去旅行，咁啱啫。（會唔會影響男友工作﹖）唔會，佢哋有專業操守，唔會畀外來事影響到。」

對於被指帶同妹妹應航班乘客相約吃飯，一頓晚飯「劏客」五千大元，Hilaire說：「我未試過同乘客食飯，出得去食飯嘅一定係朋友，所以都識得我細妹，我都唔記得餐飯幾錢囉。」Hilaire又斬釘截鐵否認已婚。

採訪：影視組

攝影：鄭家俊