鄭中基（Ronald）、方力申及孫儷等在上海電影節宣傳新片《機器俠》，以性感tube dress示人的孫儷，即場向片中的機械人求婚，場面搞笑。
在《機》中負責搞笑的Ronald，被問到前晚行紅地氈，難得與蔡卓妍（阿Sa）、楊千嬅同場感覺如何？他一時說見不到兩人，一時又說只見到千嬅，但談到阿Sa何時上《美女廚房》，他卻對阿Sa的檔期瞭如指掌：「仲度緊期，但阿Sa七月做舞台劇，監製話事喇。我唔會刻意避忌，預咗被玩，最多錄完剪走玩我啲內容。」
小方則說：「新片會去北京首映，嗰度係我屋企，都算光宗耀祖，我會叫公公、婆婆去睇。如果要叫齊北京親戚睇，我諗要搵間有二、三百個座位嘅戲院包場至得。」
